Салык кызматы салыктарды ыкчам жана ыңгайлуу төлөө жолдорун сунуштайт

Cалык кызматы салыктык жол-жоболорду жөнөкөйлөтүү жана санариптештирүү боюнча иштерди улантууда.

Салык төлөөчүлөр үчүн ыңгайлуулукту жана жеткиликтүүлүктү жогорулатуу максатында бүгүнкү күндө салыкты төлөөнүн бир нече ыңгайлуу ыкмалары каралган.

Салыктарды төмөнкү ыкмалар аркылуу төлөөгө болот:

1. Салык кызматынын аймактык органдарында;

2. Salyk мобилдик тиркемеси аркылуу;

3. www.cabinet.salyk.kg порталындагы Салык төлөөчүнүн жеке кабинети аркылуу;

4. Мобилдик банкингдер аркылуу;

5. Коммерциялык банктардын терминалдары, кассалары жана Кыргыз почтасынын бөлүмдөрү аркылуу.

Салык кызматы салык төлөөчүлөрдү салыктык милдеттенмелерин өз убагында аткарууга чакырат.