Кыргызстандын музейлеринде 211 миңге жакын экспонат сакталат

2025-жылы Кыргызстанда 66 музей иш алып барган. Бул тууралуу Улуттук статистика комитетинен билдиришти.

Алардын катарында тарыхый, этнографиялык, тарыхый-этнографиялык, тарыхый-архитектуралык, тарыхый-өлкөлүк таануу жана башка музейлер бар.

Музейлерге келгендердин назарына 211 миңге жакын экспонат сунушталат.

Улуттук статистика комитети белгилегендей, музейлер өлкөнүн маданий инфраструктурасынын маанилүү бөлүгү болуп, тарыхый мурастарды сактоодо чоң роль ойнойт.