Талас облусунда бир күндө 29 кичи футбол аянтчасы пайдаланууга берилди

Талас облусунда бүгүн, 22-июнда 29 кичи футбол аянтчасы расмий түрдө пайдаланууга берилди. Бул тууралуу президенттин облустагы өкүлчүлүгүнөнкабарлашты. 

Курулуш иштери президенттин фондунун эсебинен каржыланды.

Алар:

• Талас шаары (6 футбол аянтчасы),
• Манас району (8 футбол аянтчасы),
• Айтматов району (7 футбол аянтчасы),
• Бакай-Ата району (3 футбол аянтчасы),
• Талас району (5 футбол аянтчасы).

Долбоордун негизги максаты – жаш муундун ден соолугуна кам көрүп, алардын дене тарбияга болгон кызыгуусун күчөтүү жана машыгууга ыңгайлуу, заман талабына жооп берген мүмкүнчүлүктөрдү камсыз кылуу.