Бишкекте кампадан чыккан ири өрт өчүрүлдү

Бишкек шаарынын М. Лущихин көчөсүндө жайгашкан кампалардын биринен чыккан өрт саат 20:06да толук өчүрүлдү. Бул тууралуу Өзгөчө кырдаалдар министрлигинин Бишкек шаардык башкармалыгынан билдиришти. 

Кырсыктан жабыркагандар жок.

Тилсиз жоо каптаган аянт болжол менен 900 чарчы метрди түздү.

​Белгилей кетсек, бүгүн кампадан өрт чыккандыгы тууралуу маалымат түшөрү менен жерине жалпы жети күжүрмөн эсеп тартылган.

​Алдын ала маалыматтар боюнча, темир устундуу жана темир менен жабылган кампанын ичинде сакталган картон коробкалар, желим бөтөлкөлөрдүн даярдамалары (преформа), жыгач жана желим поддондор күйгөн.

Өрттүн келип чыгуу себеби такталууда.