Жыл башынан бери Кыргызстанда 300 миң жаңы айдоочулук күбөлүк басылып чыкты

2026-жылдын башынан бери Кыргызстанда жаңы үлгүдөгү айдоочулук күбөлүктөрдүн болжол менен 300 миңи басып чыгарылган. Бул тууралуу Бишкекте өткөн маалымат жыйында «Учкун» ААКтын башкы директору Бакытбек Султанов билдирди.

Анын айтымына караганда, улуттук айдоочулук күбөлүктөр эл аралык стандарттарга жооп берет жана заманбап технологияларды колдонуу менен чыгарылат. Документтер жогорку деңгээлдеги коргоо элементтери менен камсыздалган жана немис өндүрүшүндөгү атайын жабдууларда иштелип чыгат.

Ар бир күбөлүк жетиден турган катмардан турат жана 34 коргоочу элементти камтыйт, бул жасалма документтерди чыгаруу мүмкүнчүлүгүн дээрлик жокко чыгарат. Колдонулган технологиялар эл аралык деңгээлдеги идентификациялык документтерге коюлган талаптарга толук жооп берет.

Султанов учурда дагы болжол менен 300 миң күбөлүк бланкы өндүрүштө экенин белгиледи.

«Бир күбөлүктү чыгаруу баасы болжол менен 3 евро. «Учкун» ААК үчүн даяр документтин акыркы баасы – болжол менен 500 сом», – деп тактады ал.

Ишкана жетекчисинин айтымында, мамлекеттик ишканада документтерди чыгаруу сапатты жана коопсуздукту көзөмөлдөөгө, ошондой эле жарандар үчүн жеткиликтүү бааны сактоого мүмкүнчүлүк берет.