Бишкек шаарынын Октябрь РИИБде бейбаштык фактысы боюнча кылмыш иши козголду

Бишкек шаарынын Октябрь РИИБге М.И. аттуу жаран арыз менен кайрылып, белгисиз жарандардын үстүнөн мыйзамдуу чара көрүп берүүнү суранган. Себеби 2026-жылдын 27-май күнү болжол менен 02:50 чамасында Бишкек шаарынын Молдокулов көчөсүндө денесине залал келтигенин билдирген.

Аталган факт боюнча Бишкек шаарынын Октябрь РИИБдин Тергөө кызматы тарабынан Кыргыз Республикасынын Кылмыш-жаза кодексинин 280-беренесине (Бейбаштык) ылайык кылмыш иши козголуп, жабырланычууларга соттук-медициналык экспертиза дайындалды.

Бишкек шаарынын Октябрь РИИБдин кызматкерлери тарабынан 2007-жылы туулган О.Э., 2006-жылы туулган К.А. жана 2002-жылы туулган К.А. аттуу жарандар кармалган. Октябрь РИИБдин Тергөө кызматына жеткирилип, Кыргыз Республикасынын КЖПКнын 96-беренесине ылайык Бишкек шаарынын ИИББнын убактылуу кармоочу жайына киргизилген.

Мындан тышкары, бул окуяга тиешеси бар башка жарандар дагы аныкталып, алардын аракеттерине Кыргыз Республикасынын колдонуудагы мыйзамдарынын алкагында тиешелүү юридикалык баа берилет.