Кыргызстанда бир жумада 20 миң жол эрежесин бузуу фактысы катталды

Кыргызстандын аймагында 30-июндан 6-июлга чейинки аралыкта 20 миң 74 жол эрежесин бузуу фактысы аныкталды. Бул тууралуу Жол кыймылынын коопсуздугун камсыздоо башкы башкармалыгы билдирет.

Маалыматка ылайык, анын ичинде:

Тийиштүү документтери жок транспорт каражаттарын башкаруу - 505;

Мас абалында унаа каражатын башкаруу - 209;

Автоунаанын терезелерин мыйзамсыз караңгылатуу - 81;

Жөө жүргүнчүлөр катышкан жол эреже бузуулар - 1055;

Транспорт каражаттарынын эксплуатациялоо эрежелерин бузуу - 3 845;

Автоээнбаштык - 25;

Белгиленген ылдамдыктан ашуу - 3 562;

Жалган мамлекттик номуру менен унаа башкаруу - 8;

Башка жол эрежелерин бузуу фактылары - 9 116;

Ар кандай жол эрежелерин бузгандыгы үчүн 1 668  авто унаа убактылуу токтотуучу айып короо жайына токтотулган.

КР ИИМдин ЖКККББгы айдоочулардан жол кыймылынын коопсуздугунун эрежелерин так сактоого чакырат.