Аскар Акаев бир шарт менен Кыргызстанга кайтып келүүгө даяр экенин билдирди

Ысык-Көл эл аралык форумунун мааракелик жыйынына катышып жаткан Кыргызстандын биринчи президенти Аскар Акаев өлкөгө туруктуу жашоого кайтып келүү мүмкүнчүлүгүн четке каккан жок.

Журналисттердин Кыргызстанга көчүп келүү ыктымалдыгы тууралуу суроосуна жооп берип жатып, мурдагы мамлекет башчысы тиешелүү чакыруу болсо мындай вариантты карап көрүүгө даяр экенин билдирди.

«Эгерде өжөрлүк менен чакырышса, албетте. Адам өз мекенинде көз жумушу керек деп Чыңгыз Айтматов айткан», — деди Акаев.

Эске салсак, Аскар Акаев 2005-жылдын 24-мартындагы март окуялары учурунда Кыргызстандан чыгып кеткен. Бир нече күндөн кийин, 3-апрелде ал президенттик ыйгарым укуктарын расмий түрдө өткөрүп берген.

Акыркы жылдары мурдагы президент Кыргызстанга бир нече жолу келип кеткен. Тактап айтканда, 2021-жылы ал Кумтөр кенин иштетүүгө байланыштуу иш боюнча көрсөтмө берүү үчүн өлкөгө келген.