Кара-Сууда тергөөчү кыздын тапанчасынан ок атылган. Териштирүү башталды

Кара-Суу райондук ички иштер бөлүмүндө болгон окуя ИИМдин жетекчилигинин көзөмөлүнө алынды, деп бидирет ИИМдин басма сөз кызматы. 

Маалыматка ылайык, Ош облусунун Кара-Суу райондук ички иштер бөлүмүндө тергөөчү кыздын тапанчасынан ок атылган. Окуя бүгүн, 13-мартта катталган. 

Атылган ок жерге тийип, эч ким жабыркаган жок.

Аталган факты Ош облусунун Кара-Суу райондук ички иштер бөлүмүндө катталып, териштирүү иштери башталды. Окуянын чоо-жайы такталып, жеринде тергөө-ыкчам тобу иш жүргүздү.

Чогултулган материалдар райондук прокуратурага текшерүү жүргүзүү жана укуктук баа берүү үчүн жөнөтүлдү.

Териштирүүнүн жыйынтыгы менен кошумча маалымат берилет.