Кара-Сууда «Хизб ут-Тахрир» уюмунун мүчөлөрүнүн үйлөрүндө тинтүү жүргүзүлдү

2025-жылдын 18-февралында КР УКМКнын Ош шаары жана Ош облусу боюнча Башкы башкармалыгы жана Ош облусунун ИИБи менен биргеликте диний-экстремисттик жана эл аралык террористтик уюмдарга каршы күрөшүү алкагында, ошондой эле козголгон кылмыш ишинин негизинде, Кыргызстанда тыюу салынган «Хизбут-Тахрир» радикалдык-экстремисттик уюмунун 6 активдүү мүчөсүнүн жашаган жерлеринде тинтүү жүргүзүлдү.

Тинтүү иштеринин жыйынтыгында төмөнкү далил буюмдар алынды:

• «Аль-Вайи» аттуу 4 даана радикалдык-экстремисттик агымдагы китеп,
• «Хизб ут-Тахрир» РЭУнун 4 даана баракчасы,
• 2 бычак,
• 55 даана ар түрдүү диний адабияттар,
• 12 уюлдук телефон жана 1 ноутбук.

Учурда аталган кылмыш ишинин алкагында тергөө иш-чаралары уланып, тиешелүү экспертизалар дайындалды.