Россияда дирижабль өндүрүшүн кайра жандандыруу пландалууда

Россияда дирижаблдарды чыгарууну жана пайдаланууну кайра жандандыруу үчүн ченемдик-укуктук негиз түзүү пландалууда. Бул тууралуу ТАСС агенттиги Росстандарттын материалдарына таянып билдирди.

Маалыматка ылайык, ведомство ар кандай багыттагы дирижаблдарга, алардын курамдык бөлүктөрүнө жана жер үстүндөгү инфраструктура объекттерине карата жалпы техникалык талаптарды белгилеген жаңы ГОСТ стандартын бекитти.

Документ жумшак, жарым жумшак, жарым катуу жана катуу конструкциядагы дирижаблдарга тиешелүү. Ал эми вертостат жана планостат схемасы боюнча жасалган гибриддик дирижаблдар стандарттын алкагына кирбейт.

Жаңы ГОСТ 2027-жылдын 1-февралынан тартып күчүнө кирет.

Кабыл алынган документ Россияда авиациянын бул багытын өнүктүрүү үчүн ченемдик негиз болуп берери күтүлүүдө.