Жыл башынан бери Кыргызстандын калкынын саны 45 миң адамга өстү

2025-жылдын 1-июнуна карата Кыргызстандын туруктуу калкынын саны 7 миллион 327 миң адамга жетип, 2025-жылдын 1-январына салыштырмалуу 45 миңге көп. Өсүш 0,6%ды түздү.

Маалыматка ылайык, 2025-жылдын январь-май айларында калктын эң көп өсүүсү борбор калаада - Бишкек шаарында, ошондой эле Жалал-Абад жана Ош облустарында катталган. Минималдуу өсүш Нарын облусунда катталган.

Отчеттук мезгилде жарандык абалдын актыларын жазуу органдарында 53,2 миң жаңы төрөлгөн ымыркай катталган, бул калктын 1000ине 17,6 учурга туура келет, бул 2024-жылдын ушул эле мезгилиндеги көрсөткүчтөн (19,5) төмөн. Каза болгондордун саны 13,5 миң адамды (1000 калкка 4,5) түздү, бул өткөн жылга салыштырмалуу бир аз аз.

Калктын табигый өсүшү 39,7 миң адамды түздү, бул 2024-жылдын январь-майындагы көрсөткүчтөн 12,1%га аз.

Табигый өсүш эң көп Баткен, Жалал-Абад жана Ош облустарында катталса, эң төмөнкү көрсөткүч Бишкек жана Чүй облусунда болду.

Өлүмдүн негизги себептери болуп кан айлануу системасынын оорулары (54% учур), шишик (13%) жана дем алуу органдарынын оорулары (7%) калууда.