Ош шаарында муниципалдык мекемелерге кызматтык унаалар тапшырылды

Ош шаарынын мэри Жеңишбек Токторбаев 7-октябрда шаардагы бир катар муниципалдык мекемелерге кызматтык унаалардын ачкычтарын тапшырды.

Мэриядан билдиришкендей, кызматтык автоунаалар төмөнкү мекемелерге берилди:

• Ош шаардык мэриясынын капиталдык курулуш башкармасы,
• Ош шаардык мэриясынын муниципалдык менчик башкармалыгы,
• Ош шаардык жолдор муниципалдык ишканасы,
• Ош шаардык маданият башкармалыгы,
• Ош шаардык муниципалдык инспекциясы.

Калаа башчы унаалардын берилүүсү муниципалдык кызматтардын ишин жеңилдетип, жарандарга көрсөтүлүүчү кызматтардын сапатын жогорулатууга өбөлгө түзөрүн белгиледи.