Тоо-Моюн – Өсөр – Жаңы-Арча унаа жолунда асфальт төшөө иштери жүрүүдө 

Ноокат районундагы Тоо-Моюн – Өсөр – Жаңы-Арча унаа жолунун 18-23-чакырымдар аралыгында асфальт төшөө иштери жүрүүдө.

Транспорт жана коммуникациялар министрлигинин маалымат кызматы кабарлагандай, жумуштар министрликке караштуу № 37 Жол тейлөө ишканасы тарабынан аткарылууда.

Белгилей кетсек, быйыл Тоо-Моюн – Өсөр – Жаңы-Арча унаа жолунун 5 чакырымын асфальттоо каралган.

Курулуш иштери бардык жол салуу нормаларына ылайык аткарылып, кыймылды жакшыртуу жана жергиликтүү тургундардын жашоо шартын жеңилдетүү максатында жүргүзүлүүдө.