Жумгалда уруктандыруунун заманбап ыкмалары боюнча окуулар өтүүдө

Жумгал районунун аймагында жайыттарды натыйжалуу пайдалануу, асыл тукум мал чарбасын өнүктүрүү жана жасалма уруктандыруунун заманбап ыкмалары боюнча кеңири окуу семинары өткөрүлүүдө. Бул тууралуу Айыл чарба министрлигинен кабарлашты. 

Бул иш-чара айыл чарба тармагын өркүндөтүүгө багытталып, жергиликтүү фермерлерге жана мал чарбачыларына жаңы билимдерди жана тажрыйбаларды үйрөтүүнү максат кылат. 

Семинарда жайыттарды туура башкаруунун жолдору, асыл тукум малдарды көбөйтүүнүн эффективдүү усулдары жана жасалма уруктандыруу технологияларынын артыкчылыктары тууралуу толук маалымат берилип, катышуучуларга практикалык көндүмдөрдү өздөштүрүүгө мүмкүнчүлүк түзүлөт.

Бул окуу семинары аймактагы мал чарбачылыкты жакшыртуу жана дыйкандардын түшүмдүүлүгүн жогорулатуу үчүн маанилүү кадам болуп эсептелет.