«Менин шаарым» мобилдик тиркемесинде эвакуацияланган автоунааны онлайн аныктоо мүмкүнчүлүгү пайда болду

«Менин шаарым» мобилдик тиркемесине жаңы функция кошулду. Эми колдонуучулар туура эмес жерге токтотулуп, эвакуацияланган автоунаалар тууралуу маалыматты реалдуу убакыт режиминде көрө ала алышат.

Жаңы мүмкүнчүлүктүн артыкчылыктары:
•автоунаанын жайгашкан жерин тез аныктоо;
•атайын токтотмо жайдын дарегин картадан көрүү;
•эвакуация кызматтарынын байланыш маалыматтарын алуу.

Кантип иштейт:

Колдонуучу «Эвакуация» бөлүмүнө кирип, автоунаасынын мамлекеттик номерин терет. Эгерде автоунаа эвакуацияланган болсо, тиркеме анын учурдагы жайгашкан жерин жана токтотулган атайын аянттын дарегин картадан көрсөтөт.

Жеткиликтүүлүк:

Жаңы функция iOS жана Android үчүн тиркеменин акыркы версиясында жеткиликтүү. Жаңы мүмкүнчүлүктү колдонуу үчүн «Менин шаарым» тиркемесинин жаңыртылган версиясын жүктөп алуу сунушталат.

Бул жаңылык шаардык кызматтардын ишинин ачык-айкындыгын камсыздоого жана жарандар менен муниципалдык органдардын ортосундагы өз ара аракеттенүүнү жакшыртууга багытталган.