Кочкор районунда жаңы автобекет курулууда

Кочкор районунда жаңы автобекет курулууда, деп билдирет Курулуш министрлигинин басма сөз кызматы.

Каржылоо республикалык бюджеттен каралып, тендердик баасы 395 миллион сомду түзөт.

Объекттин курулушу 2025-жылдын февраль айында башталган. Учурда курулуш иштер 45 пайызга аткарылды.

Долбоор боюнча автобекеттин жалпы аянты 14 469 чарчы метрди түзүп, 2 кабаттуу имарат, транспорттук техникалык тейлөө, унаа токтотуучу жай жана көрктөндүрүү каралган.

Курулуш-монтаждоо иштеринин ар бир этабы текшерүүдөн өткөрүлүп, жумуштун аткарылышы Турак жай-жарандык департаменти тарабынан көзөмөлдөнүүдө.