Ысык-Ата районунда кылкандуу дан эгиндерин оруп-жыйноо иштери башталды

Ысык-Ата районунда кылкандуу дан эгиндерин оруп-жыйноо иштери башталды. Бул тууралуу Айыл чарба министрлигинен кабарлашты.

Маалыматта айтылгандай, Ысык-Ата райондук агрардык өнүктүрүү башкармалыгынын жетекчиси Бек Жекшембаев район акими Алмазбек Рахманкулов менен биргеликте Кочкорбаев айыл аймагындагы кылкандуу дан эгиндерин оруп-жыйноо иштеринин жүрүшү менен таанышты.

Район боюнча жалпы 21 575 гектар кылкандуу дан эгиндери айдалган, анын ичинен 8 186 гектарын буудай түзөт.

Ысык-Ата районунун акими Алмазбек Рахманкулов оруп-жыйноо иштерин жүргүзүүдө дыйкандарга бардык шарттарды түзүп берүүнү тапшырды.