МКУ: ОСАГО боюнча 254 камсыздандыруу төлөмү жүргүзүлүп, жарандарга жалпысынан 23,08 млн сом төлөндү
«Мамлекеттик камсыздандыруу уюму» ААК 2025-жылдын 20-августуна карата милдеттүү камсыздандыруу боюнча болжолдуу жыйынтыктарын чыгарды.
Турак жайларды милдеттүү камсыздандыруу (ОСЖ)
Кыргыз Республикасындагы «Турак жайларды өрттөн жана табигый кырсыктардан милдеттүү камсыздандыруу жөнүндө» мыйзам 2015-жылы кабыл алынган.
- Республика боюнча жалпы турак жайлардын саны 1 251 515.
- Бүгүнкү күнгө карата Турак жайларды милдеттүү камсыздандыруу боюнча иштеп жаткан келишимдердин саны 372 213, бул болсо жалпы турак жай фондунун 29,7%ын түзөт.
- Салыштыруу үчүн: 2024-жылдын ушул күнүндө камсыздандыруу деңгээли болгону 12,3% (151 091 келишим) эле.
Эң жогорку камсыздандыруу көрсөткүчү:
- Жалал-Абад облусу – 37,1%
- Ош облусу – 35,7%
- Талас облусу – 33,1%
Турак жайларды милдетүү камсыздандыруу боюнча 2025-жылы 183 камсыздандыруу төлөмү жүргүзүлүп, жарандарга жалпысынан 20,27 млн сом төлөндү.
Авто жарандык жоопкерчиликти милдеттүү камсыздандыруу (ОСАГО)
2025-жылдын 1-январынан 20-августуна чейин ОСАГО боюнча МКУ менен түзүлгөн келишимдердин саны:
- 2025-жылы камсыздандырылган автоунаалардын саны 278 971, бул жалпы катталган автоунаалардын 16,66%ын түзөт.
- Салыштыруу үчүн: 20.08.2024-ж. бул көрсөткүч болгону 4,4% (73 920 келишим) болгон.
Эң чоң өсүш төмөнкүдөй аймактарда байкалган:
- Бишкек ш. – 22,36% камсыздандыруу деңгээли (94 538 автоунаа)
- Баткен облусу – 22,81%
- Нарын облусу – 31,99%
ОСАГО боюнча 254 камсыздандыруу төлөмү жүргүзүлүп, жарандарга жалпысынан 23,08 млн сом төлөндү.