Үч-Коргон жалпы дарыгерлер практикалык борборунун материалдык-техникалык базасы чыңдалды

Баткен облусунун Кадамжай районунда жайгашкан Үч-Коргон жалпы дарыгерлер практикалык борборунун материалдык-техникалык базасы чыңдалды. Бул тууралуу облустагы өкүлчүлүктөн кабарлашты. 

Маалыматка ылайык, ошондой эле борбордо медицина кызматкерлеринин ишин илгерилетүү менен, жарандар үчүн керектүү шарттар түзүлдү.

-ПРООН тарабынан 6 млн сомго заманбап, көчмө жана стационардык санарип рентген аппараты алынды

-Баткен ММК фонду тарабынан жандандыруу бөлүмүнө 4млн сомдук медициналык жабдуулар, операциялык каанага керектүү шаймандар алынды

-Баткен ММК тарабынан от казан имараты оңдоп түзөөдөн өтүп, жылытуу системасы борборлоштурулду

-Баткен ММКтарабынан оорукананын ашканасынын чатыры алмашытырылып, идиштери жаңыланды

-Хасанабад жана Тегирмеч айылына инвесторлордун колдоосу менен 5,5млн сомго ФАП курулду

-Демөөрчүлөрдүн колдоосу менен оорукананын бөлүмдөрү оңдоп түзөөдөн өттү

-Япон элчилиги тарабынан лапороскопия аппараты 89667АКШ долларына алынды

-Ымыркайлар үчүн инкубатор аппараты 590миң сомго алынды

-Баткен ММКфонду тарабынан кабыл алуу бөлүмүнүн кошумча корпусу 1млн 880мин сомго курулду

- 2 даана жасалма дем алдыруучу аппараты демөөрчүлөр тарабынан 1,5млн сомго алынды

-Жаңы лабороториянын имараты Ассанабил кайрымдуулук фонду, Баткен ММК фонду, демөөрчүлөр тарабынан курулду

-Наркоздук дем алдыруучу аппараты Баткен ММК фонду тарабынан 1млн сомго алынды

-Оорукананын аймагына 1млн 250миң сомго асфальт төшөлдү

-Физиотерапия бөлүмү капиталдык оңдоп түзөөдөн өттү

- Унаа токтоочу жай 1млн400миң сомго курулду

-Өлүккананын курулушу жүрүүдө

- Аллеянын курулушу жүрүүдө

Мындан сырткары, өткөн жылы оорукананын балдар бөлүмү жана балдар реанимациясы жайгашкан типтүү имараты республикалык бюджеттин эсебинен 58 млн сомго курулган.