Бишкекте коомдук транспортто рейд уланууда: 10 жүргүнчүгө айып салынды

Муниципалдык коомдук транспортто жүргүнчүлөрдүн жол акысын төлөөсүн текшерүү боюнча рейддик иш-чаралар өткөрүлдү.

Транспорт жана жол-транспорт инфратүзүмүн өнүктүрүү департаментинин кызматкерлери, Муниципалдык инспекциянын өкүлдөрү, “Бишкек шаардык транспорт” МИнин кызматкерлери, Бишкек ШИИБнын жана “Тулпар” бирдиктүү картасынын адистери катышты.

Рейддик иш-чаралардын жыйынтыгы боюнча КР Укук бузуулар жөнүндө кодексинин 199-беренесинин 8-бөлүгүнө ылайык, 10 жүргүнчүгө 1000 сомдон (миң сом) айып пул салынды. Бардыгы 10 000 сом.

Айып пул, айып салынган күндөн тартып бир айдан кечиктирилбестен төлөнүшү керектигин белгиленет.

Мындай рейддик иш-чаралар күн сайын өткөрүлүп турат.