Түндүк райондук электр тармактарында күз-кыш мезгилине даярдык кызуу жүрүүдө

Кыргыз Республикасынын Энергетика министрлиги тарбынан жүргүзүлүп жаткан реформалардын алкагында “КУЭТ” ААКтын филиалы Бишкек электр тармактары ишканасынын Түндүк райондук электр тармактарында 2025–2026-жылдардын күз-кыш мезгилине даярдык жана жабдууларды жаңылоо иштери кызуу жүрүүдө.

2025-жылдын башынан бери төмөнкү иш-чаралар аткарылды:

• 44 трансформатордук көмөк чордон жана 38,54 чакырым аба чубалгылары капиталдык оңдоодон өткөрүлдү;

• 241 трансформатор жана 556 чакырым 6–10/0,4 кВ чыңалуудагы аба чубалгылары техникалык тейлөөдөн өткөрүлдү;

• 38 чакырым 6–10/0,4 кВ чыңалуудагы кабелдик чубалгыларында техникалык тейлөө жана оңдоо иштери жүргүзүлдү;

• 10 даана жаңы шаардык типтеги комплект трансформатордук көмөк чордондор (ГКТП) шкафтары орнотулду;

• 119 даана эски эскирген электр мамыларын жаңы темир-бетон мамыларга алмаштырылды;

• 22,5 чакырым аба чубалгылары заманбап СИП-2 зымдарына алмаштырылып, реконструкцияланды.

Бул иштер калкты ишенимдүү, сапаттуу жана үзгүлтүксүз электр энергиясы менен камсыз кылууга, авариялык кырдаалдардын санын азайтууга жана электр тармактарынын ишенимдүүлүгүн жогорулатууга багытталган.