Кыргызстандын аймагында жер титирөө катталды

Кыргызстандын аймагында жер титирөө катталды, деп билдирет ӨКМдин басма сөз кызматы.

КР Сейсмология институтунун такталган маалыматына ылайык, жер титирөө бүгүн, 12-январда саат 11:52де катталып, очогунда күчү 3 баллга жеткен.

Жердин силкинүүсү Ош облусунун Кара-Кулжа районундагы Кара-Жыгач айылында 3 баллга, Өзгөн районунун Ийрек, Курбу-Таш, Туз-Бел айылдарында 2,5 баллга (Кара-Жыгач айылынан 3 чакырым түштүк чыгышта, Ийрек айылынан 7 чакырым түндүк батышта, Курбу-Таш, Туз-Булак айылдарынан 10 чакырым түштүк батышка) чейин сезилген.

Жер титирөөдөн жабыркагандар жана кыйроолор катталган жок.