Бишкекте мектеп окуучусунун өлүмүнө байланыштуу шектүү кармалды

Бишкекте мектеп окуучусунун өлүмүнө байланыштуу шектүү кармалды. Бул тууралуу Ленин райондук милициясынан кабарлашты. 

Белгилей кетсек, 21-январда Бишкектеги №72 мектептин дааратканасында 8-класстын окуучусу А.А. катуу сабалып, эсин жоготкон. Ал ооруканага жеткирилип, 4-февралда каза болду. Тергөөдө 9-класстын окуучусу Т.И. акча талап кылуу боюнча чатактын негизинде А.Ага жаракат келтиргени аныкталды.

Учурда Т.И. кармалып, убактылуу кармоочу жайга киргизилди. Ага 130-берене жана 208-берене боюнча кылмыш иши козголду.