Министр Сыргабаев Жалал-Абаддагы туристтик жайларга барчу жолдордун курулушун текшерип барды

Бүгүн, 26-июлда Транспорт жана коммуникациялар министри Абсаттар Сыргабаев Жалал-Абад облусуна иш сапары менен барды.

Анын алкагында ведомство жетекчиси Базар-Коргон – Арстанбап жана Арстанбап – Кызыл-Үңкүр багытындагы жол курулуш иштеринин жүрүшүн текшерди.

Учурда Базар-Коргон – Арстанбап жолунун 6 чакырым аралыгына асфальт төшөө иштери аяктап, пайдаланууга берилди. Ал эми Арстанбап – Кызыл-Үңкүр автожолунда жолду кеңейтүү, суу өткөрүүчү түтүктөрдү орнотуу иштери кызуу жүрүп жатат.

Министр аймактардагы туристтик инфраструктуранын өнүгүшү үчүн жолдордун сапаттуу жана өз убагында бүткөрүү зарылдыгын белгилеп, Базар-Коргон – Арстанбап жолунун калган 33 чакырым аралыгына асфальттын биринчи катмарын төшөө иштерин аягына чыгарууну тапшырды.

Белгилей кетсек, аталган автожолдор өлкөбүздөгү туристтер көп каттаган маанилүү транспорттук каттамдар болуп саналат.