2024-жылы Нарын облусунда 114 өрт кырсыгы катталган

2024-жылы Нарын облусунун аймагында 114 өрт кырсыгы катталган. Бул тууралуу КР ӨКМдин Нарын облусу боюнча башкармалыгынын башчысы Эрнис Дыйканбаев Нарын облусунун Жарандык коргонуусунун 2024-жылдагы ишмердүүлүгүнүн жыйынтыктары жана 2025-жылга милдеттери боюнча жыйында айтты.

Анын айтуусуна караганда, чыгым 44 млн 975 миң 557 сомду түздү.

Өрттүн чыгуу себептери төмөндөгүдөй аныкталган:

• балдардын от менен ойноосунан – 18 өрт;
• тамеки тартуудагы этиятсыздыктан – 8 өрт;
• электр жабдууларын техникалык жактан колдонуудагы бузулушунан – 49 өрт;
• от жагуучу мештердин, түтүн чыгуучу морлордун туура эмес салынышынан – 18 өрт;
• ачык отту туура эмес пайдалануудан – 21 өрт.