УКМК: Таласта ок атуучу куралдар жана ок-дарылар сакталган жай табылды

Ок атуучу куралдарды жана ок-дарыларды мыйзамсыз жүгүртүүгө каршы күрөшүү боюнча жүргүзүлүп жаткан тергөө жана ыкчам иш-чаралардын натыйжасында, Кыргыз Республикасынын Улуттук коопсуздук мамлекеттик комитетинин кызматкерлери Талас шаарында курал-жарак сакталган жайды табышты.

Текшерүү учурунда төмөнкүлөр алынган:

• 12 жана 16 калибрлүү (кесилген стволдуу) жылмакай мылтыктар – 2 даана.
• 3 даана кичинекей калибрлүү мылтыктар.
• 2 даана травматикалык тапанча (ПМ).
• 1 даана үн чыгаруучу граната.
• 71 даана 5,45 калибрлүү ок-дарылар жана 26 даана 7,62 калибрлүү ок-дарылар.

Учурда бул фактыга тиешеси бар адамдарды аныктоо боюнча тиешелүү иш-чаралар жүргүзүлүүдө.