Кыргызстандыктардын дээрлик 60% кызматкерлердин чогуу иштешүүсүндө өз ара сый-урматты башкы шарт деп эсептейт

Кыргызстандыктардын дээрлик 60%ы ар түрдүү муундагы кызматкерлердин чогуу иштешүүсүндө өз ара сый-урматты башкы шарт деп эсептейт.

Ар башка муундагы кызматкерлердин жумушта тил табышуусуна жардам берген негизги фактор катары өз ара сый-урмат аталган. Мындай жоопту HeadHunter.kg өткөргөн сурамжылоого катышкан Кыргызстандын 200дөн ашык жумуш издөөчүсүнүн 59%ы берген.

Экинчи орунда жалпы максат турат — аны респонденттердин 40%ы белгилеген.

Катышуучулардын 38%ы кесипкөйлүктү, 35%ы жакшы жетекчини ар түрдүү муундагы кызматкерлерди бириктирген маанилүү фактор катары атаган.

Корпоративдик маданиятты 27%, биргелешкен иш-чараларды 18% респондент маанилүү деп эсептеген.

Изилдөөнүн жыйынтыгы көрсөткөндөй, ар кандай курактагы кызматкерлерден турган командада иштөөдө адамдар белгилүү бир муунга таандык болууга караганда жамаат ичиндеги мамилелерди жана жалпы кесиптик максаттарды маанилүүрөөк деп эсептешет.