Чиновниктердин эсине: ар кандай мыйзамсыз сунуштар тууралуу 24 сааттан кечиктирбестен маалымдоо зарыл

Мамлекеттик кызматчы ар кандай мыйзамсыз сунуштардан (акча, белек, кызмат) баш тартууга жана бул факт тууралуу белгиленген тартипте билдирүүгө милдеттүү. Бул тууралуу Санариптик өнүктүрүү министрлигинен кабарлашты.

Ведомстводон өкмөт тарабынан токтому менен мындай учурлардагы аракеттердин так тартиби бекитилгендигин эске салышты.

Негизги эрежелер:

• Мыйзамсыз сунушту чечкиндүү түрдө четке кагуу жана жагдайларды каттоо.
• Кайрылуу болгондон кийин 24 сааттан кечиктирбестен маалымдоо зарыл.

Билдирүүнү кайда жөнөтүү керек?

• Кылмыштын белгилери жок болсо — жумуш берүүчүгө (жетекчиге).
• Кылмыштын белгилери бар болсо — прокуратурага же укук коргоо органдарына.

Арыз берүүчүгө купуялуулук жана мамлекет тарабынан коргоо кепилденет. Ал эми мындай милдеттерди аткарбоо же жашыруу мыйзам чегинде жоопкерчиликке алып келет.