Кыргызстандын аймагына LEXUS GX470 унаасын алып кирүүгө аракет кылышкан

Кыргызстандын аймагына LEXUS GX470 үлгүсүндөгү автоунааны мыйзамсыз ташып кирүү фактысы аныкталды. Бул тууралуу Мамлекетик бажы кызматынан кабарлашты. 

Маалыматка ылайык, автоунаа Кызыл-Кыя шаарында Б.А.Т. аттуу жаранга катталган.

Ыкчам-иликтөө иш-чараларынын жүрүшүндө бул унаа буга чейин Беларусь Республикасынын аймагында жасалма документтердин негизинде катталгандыгы такталган. Брест бажысы автоунаа расмий түрдө бажы жол-жобосунан өтпөгөндүгүн жана алардын маалымат базасында жоктугун ырастаган.

Б.А.Т. аттуу жарандын аракеттеринде бажы төлөмдөрүн төлөөдөн качуу белгилери каралат, бюджетке келтирилген зыян, туумдар менен кошо эсептегенде 3 640 210 сомду түздү.

Факт КБР МКЖ АДСке катталып, чогултулган материалдар КР ФМ караштуу Мамлекеттик бажы кызматынын Тергөө башкармалыгына өткөрүлүп берди.