Кыргызстан уюлдук телефондорду идентификациялоону жөнөкөйлөштүрөт

Кыргызстан уюлдук телефондорду, SIM-карталарды жана байланыш жабдууларын идентификациялоону жөнөкөйлөштүрөт. Тиешелүү жарлыкка президент Садыр Жапаров кол койду.

Өкмөткө идентификация маселелерин жөнгө салган 2022-жылдын 31-майындагы № 287  токтомун бир айдын ичинде карап чыгуу тапшырылды.

Максаты – кайталанган жана ашыкча талаптарды жоюу, кызматтарды алууну жеңилдетүү, жабдууларды каттоодо жана маалыматтарды өткөрүүдө техникалык жана укуктук кыйынчылыктарды жоюу.

Улуттук коопсуздук боюнча мамлекеттик комитетине байланыш операторлорунун учурдагы идентификациялык практикасын талдоо жана жеке маалыматтардын коопсуздугун камсыздоо боюнча сунуштарды даярдоо тапшырылды. Керектүү кепилдиктерсиз Кыргызстандын маалыматтарын чет өлкөгө өткөрүп бербөөгө өзгөчө көңүл бурулат.

Буйруктун аткарылышын көзөмөлдөө президенттик аппаратка жана министрлер кабинетине жүктөлдү.

Жарлык расмий жарыяланган күндөн тартып күчүнө кирет.