Өзбекстандын калкынын саны 38 миллионго жетти

Улуттук статистика комитетинин маалыматына ылайык, 28-август күнү саат 9:35ке карата Өзбекстандын туруктуу калкы 38 миллион адамга жетти.

Анын ичинен эркектер — 19 млн 136,8 миң адам, аялдар — 18 млн 863,2 миң. Демек, өлкөдө эркектердин саны аялдарга караганда 273,6 миңге көп.

Калктын өсүшү төрөлүүнүн оң динамикасын гана көрсөтпөстөн, Өзбекстанга мүнөздүү жаш курактык түзүлүштүн сакталып жатканын да далилдейт. Бул келечекте экономиканын өнүгүшүнө, эмгек ресурстарынын көбөйүшүнө жана ички рыноктун кеңейишине түрткү бериши мүмкүн.