Бишкекте орточо айлык акы 68 миң сомго жакындады

2026-жылдын январь–август айларында Бишкек шаарында орточо айлык номиналдык эмгек акы 67 миң 670 сомду түздү.

Улуттук статистика комитетинин маалыматына ылайык, бул өлкөнүн аймактары арасындагы эң жогорку көрсөткүч. Эсептөөдө чакан ишканалар эске алынган эмес.

Экинчи орунда Ысык-Көл облусу турат. Бул аймакта орточо айлык акы 59 миң 767 сомду түзгөн.

Андан кийинки орундарда Нарын облусу — 51 миң 486 сом жана Талас облусу — 51 миң 125 сом менен жайгашкан.

Жалал-Абад облусунда орточо айлык акы 46 миң 765 сомду, Ош шаарында 44 миң 934 сомду, Чүй облусунда 43 миң 404 сомду, Баткен облусунда 41 миң 790 сомду түзгөн.

Ал эми эң төмөнкү көрсөткүч Ош облусунда катталып, 37 миң 468 сомду түздү.

Ошентип, Бишкектеги орточо айлык акы Ош облусундагы көрсөткүчтөн болжол менен 30,2 миң сомго жогору. Башкача айтканда, 1,8 эсеге көп.

Жалпысынан Кыргызстан боюнча 2026-жылдын январь–август айларында орточо номиналдык айлык акы 55 миң 79 сомду түздү. Бир жыл ичинде бул көрсөткүч 28,7%га өскөн. Инфляцияны эске алуу менен эсептелген реалдуу эмгек акынын өсүшү 16,1%ды түздү.

Ал эми АКШ доллары менен эсептегенде өлкө боюнча орточо айлык акы 629,9 долларга барабар болду.