Ылдамдыкты азайтыңыз! ЖКККББ айдоочу жана жөө жүргүнчүлөргө кайрылды

Жол кыймылынын коопсуздугун камсыз кылган башкы башкармалык (ЖКККББ) аба ырайынын өзгөрүүсүнө байланыштуу жол эрежелерин так сактоону эскертет.

Аба ырайынын кескин өзгөрүшүнө байланыштуу – (кар, жаан, тайгак жолдор, туман жана шамал сыяктуу табигый шарттар) — жолдо жүрүү коопсуздугу кыйла төмөндөйт.

Ошондуктан башкармалык айдоочу жана жөө жүргүнчүлөргө кайрылып, бир катар эрежелерди эскертти.

Айдоочуларга:

• Унааңыздын техникалык абалын текшерип чыгыңыз (тормоз, жарык берүүчү түзүлүштөр, дөңгөлөктөр ж.б.).
• Ылдамдыкты азайтыңыз жана аба ырайына жараша тууралаңыз.
• Алдыңыздагы унаа менен коопсуз аралыкты сактаңыз.
• Тайгак жана көрүнүш начар болгон шарттарда ашыкча тобокелге барбаңыз.
• Башка жол кыймылынын катышуучуларына өз убагында жол бериңиз.

Жөө жүргүнчүлөргө:

• Жөө өтмөктөрдү гана колдонуңуз.
• Жолдон өткөндө эки тарапты тең жакшылап карап, ынангандан кийин гана өтүңүз.
• Жөө жүрүүчү кийимдериңизде көзгө көрүнөрлүк элементтер болушу сунушталат (айрыкча кечки же тумандуу убакта).