VI Дүйнөлүк көчмөндөр оюндарына карата Кырчынга барчу 35 чакырым жол асфальтталды

VI Дүйнөлүк көчмөндөр оюндарына карата Кырчын жайлоосуна алып баруучу жолдордун жалпы 35 чакырым аралыгына асфальт төшөлдү.

Тактап айтканда, Семеновка – Ак-Суу жана Григорьевка – Көл-Кашка-Суу жолдорунда оңдоо иштери жүргүзүлдү.

Мындан тышкары, аталган багыттарда көпүрөлөр да курулду.

Белгилей кетсек, жаңыланган инфраструктура Көчмөндөр оюндары аяктагандан кийин да пайдаланылып, аймакта туризмдин жана региондун өнүгүшүнө өбөлгө түзөт.