Орозбек Сыдыков юстиция министринин орун басары кызматынан кетти

Орозбек Сыдыков юстиция министринин орун басары кызматынан кетти. Бул тууралуу 27-февралда белгилүү болду.

Ал бул кызматка 2021-жылдын июнь айында дайындалган.

Орозбек Сыдыков 1987-жылдын 7-майында Ош облусунда туулган.

2012-жылы Ош мамлекеттик юридикалык институтун «Юрист» адистиги боюнча бүтүргөн.

2015–2017-жылдары Президентке караштуу Мамлекеттик башкаруу академиясында «Мамлекеттик жана муниципалдык башкаруу» багыты боюнча магистр даражасын алган.

Эмгек жолун 2013-жылы Акыйкатчынын (Омбудсмендин) аппаратында Ош облусу жана Ош шаары боюнча иш кагаздарын жүргүзүүчү болуп баштаган.

Юстиция министрлигиндеги карьерасын 2014-жылы башкы адис кызматынан баштаган.