Жарым миллион сом пара алып жаткан жеринен МСКнын испектору кармалды

КР УКМК КР ФМга караштуу МСКнын жооптуу кызмат адамдарынын ишиндеги коррупциялык схемаларга бөгөт коюу боюнча жүргүзүлүп жаткан иш-чаралардын алкагында Мамлекеттик салык кызматынын К.А.А. аттуу инспектору тарабынан опузалап акча талап кылуу жана документтештирүү  фактысын аныктады.

Тактап айтканда, 343-берененин 3-бөлүгү өзгөчө ири өлчөмдө опузалап пара талап кылуу боюнча козголгон кылмыш ишинин алкагында, 2025-жылдын 14-январында жүргүзүлгөн ыкчам-тергөө иш-чараларынын натыйжасында 500 000 (беш жүз миң) сом өлчөмүндө пара алып жаткан учурда  МСКнын инспектору К.А.А. кармалып, КР УКМКнын тергөө абагына камакка алынды.

Учурда тиешелүү тергөө-ыкчам иш-чаралар улантылууда.