Россиянын Борбордук шайлоо комиссиясынын башчысы: Батыштын сиздин өлкөдөгү шайлоого айткан сынына көңүл бурбаш керек
21-сентябрда Минск шаарында КМШ өлкөлөрүнүн Борбордук шайлоо комиссиясынын жетекчилери Беларусь президенти Александр Лукашенко менен жолугушуудан кийин КМШга мүчө-өлкөлөрдүн шайлоо органдарынын башчыларынын Консультативдик кеңешинин жыйынын өткөрүп, чогуу билдирүү кабыл алышты.
«КМШ өлкөлөрүнүн Борбордук шайлоо комиссияларынын жетекчилери КМШга мүчө-мамлекеттердин борбордук шайлоо органдарынын ортосундагы кызматташтыкты кеңейтүүнү жана тереңдетүүнү колдойт. Алар шайлоонун башка уюштуруучулары менен өз ара аракеттенүүнү өнүктүрүүгө тилектештикте турушат. Шериктештикке кирген өлкөлөрдүн шайлоо процедураларына кийлигишкен ар кандай аракеттерди айыптайбыз жана мындай кийлигишүүнү мамлекеттердин эгемендүү тең укуктуулугунун принциптерин бузуу жана алардын ички иштерине кийлигишүү катары карайбыз... «Биз КМШдан президенттик жана парламенттик шайлоолорго, ошондой эле КМШ мамлекеттериндеги референдумдарга байкоочулар миссиясын жөнөтүү практикасын, тажрыйба алмашуу, ишенимди бекемдөө жана кош стандарттарга жол бербөө максатында КМШнын Аткаруу комитетинин жана КМШ ПААнын башка мониторинг миссиялары менен өз ара аракеттенүүсүн кубаттайбыз», - деп айтылат билдирүүдө.
«Борбордук шайлоо комиссиясынын жетекчилеринин Консультативдик кеңешине Беларустун төрагалыгы КМШдагы өз ара аракеттенүүгө түрткү берет», - деди Кыргызстандын Борбордук шайлоо комиссиясынын төрайымы Нуржан Шайлдабекова.
Беларустун Борбордук шайлоо комиссиясынын башчысы Игорь Карпенко шайлоонун эгемендүүлүгүн камсыз кылуу биринчи милдет экенин белгиледи.
Россиянын Борбордук шайлоо комиссиясынын мүчөсү Павел Андреев шайлоону уюштуруудагы жана өткөрүүдөгү россиялык тажрыйбага токтолду: «Сентябрь айындагы бир добуш берүү күнүндө биз цивилизациялуу дүйнөгө ылайык келбеген кысымдарга: фейк жаңылыктарга, хакердик чабуулдарга, шайлоо комиссияларынын мүчөлөрүн участоктордо провокация жасап коркутууларга туш болдук”.
КМШга мүчө мамлекеттердин шайлоо органдарынын башчыларынын Консультативдик кеңеши КМШнын мамлекеттер аралык органы болуп саналат. Ал 2022-жылы Шериктештик боюнча шайлоо процессин жакшыртууга жардам берүү үчүн шайлоо органдарынын ортосундагы кызматташтыкты жеңилдетүү максатында түзүлгөн.
Жыйынга Беларусь, Казакстан, Кыргызстан, Россия, Тажикстан, Түркмөнстан, Өзбекстан жана Армениянын шайлоо комиссияларынын жетекчилери жана өкүлдөрү катышты. КМШнын Аткаруу комитети Башкы катчынын биринчи орун басары Леонид Анфимовду, КМШ ПАА Кеңештин Катчылыгынын жетекчисинин орун басары Иван Маскетти тааныштырды.