Бишкекте мамлекеттик органдар үчүн киберкоопсуздук боюнча семинар өткөрүлдү

Санариптик өнүктүрүү жана инновациялык технологиялар министрлиги «Мамлекеттик сектордогу киберкоопсуздук» темасында практикалык багыттагы семинар өткөрдү. Бул тууралуу ведомствонун маалымат кызматынан кабарлашты.

Иш-чарага мамлекеттик органдардын санариптик өнүктүрүүгө жооптуу жетекчилердин орун басарлары катышышты.

Семинар Бишкектеги ЕККУнун Программалык кеңсесинин жана Kaspersky компаниясынын колдоосу менен уюштурулду.

Семинарда төмөнкү маселелер талкууланды:
— заманбап киберкоркунучтар жана коргонуу ыкмалары;
— мамлекеттик системаларга болгон чабуулдарда жасалма интеллекттин ролу;
— кибергигиена жана IT-инфраструктуранын туруктуулугу боюнча практикалар.

Практикалык бөлүгүндө катышуучулар Kaspersky тарабынан уюштурулган киберчабуулдун симуляциясынан өтүштү — чектелген ресурстар шартында жаралган кырдаалдарга жооп кайтаруу боюнча командалык оюн ойношту.