Оштогу Мамыров көчөсү капиталдык оңдоп-түзөөдөн кийин ачылды 

Ош шаарындагы Мамыров көчөсү 21-июлда капиталдык оңдоп-түзөөдөн кийин ачылып пайдаланууга берилди. Бул тууралуу мэриядан кабарлашты. 

Көчөнүн узундугу 2,5 чакырымга жакын, кеңдиги жалпы 25 метр.

16 метр аралыгына асфальт төшөлгөн, карама-каршы багытта экиден төрт тилкелүү, мында долбоорго ылайык, көчөнү бойлой жөө жүрүүчүлөр үчүн тротуарлар, ирригациялык тармактар, түнкү жарыктандыруу системалары каралган.