Таласта базардан өрт чыгып, кийимдер, окуу куралдары күйүп кетти

Талас шаарында жайгашкан базардын аймагындагы контейнерлердин биринен өрт чыккан.

ӨКМдин Талас башкармалыгынан кабарлашкандай, кырсык 18-августта катталып, аны өчүрүүгө эки бөлүм тартылган.

"Өрт саат 21:08де толугу менен өчүрүлдү. Өрттүн кесепетинен 3 контейнердин ичиндеги кийим-кечелер, үй-тиричилигине керектүү буюмдар жана мектепке керектүү окуу куралдары, ошондой эле болжол менен 60 чарчы метр аянттагы шифер жана жыгач устундар күйгөн", - деп айтылат билдирүүдө.

Алдын ала маалымат боюнча, өрт ширетүү иштерин жүргүзүүдө өрт коопсуздугунун эрежелерин сактабагандыктан келип чыккан.

Өрттүн кесепетинен жабыркагандар жок.