Майыптуулугу бар балдарды колдоо: “Эл-Ди-Эс Черитиз” фонду “Келечек” борборунун материалдык базасын чыңдоодо
2025-жылдын 12-августунда “Эл-Ди-Эс Черитиз” кайрымдуулук фондунун директору Дмитрий Цай командасы менен Бишкектеги майыптуулугу бар балдардын “Келечек” реабилитациялык борборуна барышты.
Борбор Кыргыз Республикасынын Эмгек, социалдык камсыздоо жана миграция министрлигинин колдоосу астында иштейт жана таяныч-кыймыл аппаратынын бузулушу, неврологиялык оорулары, аутизм жана Даун синдрому бар балдарга комплекстүү акысыз жардам көрсөтөт.
Борбордун директору Чынара Айдарбековна конокторду жылуу тосуп алып, экскурсия уюштурду жана чакан фуршет уюштурду. Сапардын жүрүшүндө, фонд тарабынан долбоорду колдоо максатында берилген жабдууларды текшерүү жана кароо жүргүзүлдү.
Реабилитациялык борбор жыл сайын 4 жаштан 18 жашка чейинки 500дөй балага ден соолугун калыбына келтирүүдө заманбап жана натыйжалуу кызмат көрсөтүү менен жардам берет.
Долбоордун алкагында “Эл-Ди-Эс Черитиз” фонду борборго төмөнкү жабдыктарды тапшырды:
- "Поток 1" электрофорез аппараты
- "Амплипульс–5 ДС" төмөнкү жыштыктагы физиотерапия аппараты
- УВЧ–60 аппараты
- Дарсонвализация аппараты
- Чоң рециркулятор
- Тоңдургуч камера
- Эки муздаткыч
- Эки секциялуу кууруучу шкаф
- Алты конфоркалуу электр плитасы
Бул заманбап жабдыктар реабилитациялык кызмат көрсөтүүнүн сапатын байкалаарлык жогорулатат жана балдар үчүн да, борбордун адистери үчүн да жагымдуу шарттарды түзөт.
“Эл-Ди-Эс Черитиз” фонду Кыргызстанда социалдык мекемелерди жана өзгөчө керектөөлөрү бар адамдарга жардам берүү системасын өнүктүрүүнү колдоо боюнча активдүү иш аракетин улантууда.