МСК санариптик маалыматтарды талдоонун жардамы менен көмүскө экономикага каршы күрөшүүнү күчөтүүдө

Салык кызматы салыктык текшерүүлөргө заманбап технологияларды киргизүүдө. Чоң маалымат аналитикасынын жана булут системасынын жардамы менен:

• текшерүү чыгымдары азайды,
• тобокелдик компаниялары аныкталды,
• 3 айда 1 млрд сомдон ашык каражат өндүрүлдү.

"Бир күндүк фирмалар" жана товарсыз жеткирүү схемалары аныкталды – мамлекетке келтирилген зыян 2 млрд сомдон ашты.

«Эгер система аномалияларды байкаса, ишкана текшерүү зонасына кирет. Бардык маалымат туура болсо – бизнес тынч иштей берет», — деди Салык кызматынын төрагасы Алмамбет Шыкмаматов.

Жарандарга маалымат берүү үчүн Айсалык (AIsalyk) ютуб каналы ишке киргизилди, анда салыктан качуунун чыныгы схемалары көрсөтүлөт.

Салык кызматы жарандарды колдоого жана сак болууга чакырат – бизнес үчүн адилеттүү шарттарды биргеликте камсыздай алабыз.