Майлы-Суу айнек заводу заманбап өндүрүш менен ишке берилди

Баткен облусундагы Майлы-Суу айнек заводу бюджеттик каржылоонун негизинде 1 млрд сомго жаңыртылып, заманбап өндүрүштүк кубаттуулуктар менен иштей баштады.

Жаңыдан курулган имараттар жана реконструкцияланган цехтер аймактагы айнек идиш өндүрүшүнүн деңгээлин олуттуу жогорулатат:

    •    Жаңы имарат – 1278 м², айнек цехине кошулду.

    •    Айнек цехи №2 реконструкциясы – өндүрүш аянты 2412 м².

Өндүрүштүк жабдуулар модернизацияланды:

    •    Айнек эритүү меши Ribbon-процесс технологиясы менен, кубаттуулугу – 280 тонна.

    •    Айнек формалоочу машина HEYE INTERNATIONAL (Германия) компаниясынын 8 секциялуу машинасы, күнүнө 150–200 миң даана өндүрүү кубаттуулугу менен.

    •    Суук участок, аба бөлүүчү установка (АБУ), фидердик канал жана дайар продукцияны чыгаруу линиялары заманбап стандарттарга ылайык жабдылды.

Транспорт жана логистика да күчөтүлдү: VOLVO автомашинасы жана 2 даана электрокар сатып алынды.

Жаңы өндүрүштүк кубаттуулуктар аймактагы жумуш орундарын көбөйтүп, айнек идиш рыногундагы туруктуу жана сапаттуу продукцияны камсыз кылат.