Ала-Бука районунда “Бай-Талаа” экспорттук логистикалык мал чарба борборунун курулушу соңуна чыкты
2025-жылдын 20-августунда башталган “Бай-Талаа” экспорттук логистикалык мал чарба борборунун курулуш иштери бүгүнкү күндө 98%га аяктап, пайдаланууга берүү алдында турат.
Борбор Жалал-Абад облусунун Ала-Бука району, Ала-Бука айыл аймагындагы Баймак айылынын “Андагул” участкасында жайгашкан.
Ири долбоордун негизги параметрлери:
• Кубаттуулугу: 3000 баш малга ылайыкталган
• Түзүлүүчү жумуш орундары: 1200
• Курулуш аянты: 50 000 м²
• Жалпы наркы: 18 млн сом
• Каржылоо булагы: Жеке инвестиция
• Буйрутмачы: “Кыргыз Эко Экспорт” ишканасы
• Подрядчы: “Арх Курулуш” ишканасы
Бүгүнкү күндө борбордун негизги курулуш иштери толук бүткөрүлүп, кошумча иштер – автоунаа токтотуучу жайларды уюштуруу жана кардарларга ыңгайлуу шарттарды түзүү иштери аткарылууда.
Бул борбордун ачылышы менен Ала-Бука районунда жаңы жумуш орундарын түзүү, аймактагы мал чарбасын экспортко багыттоо жана айыл чарба продукциясынын логистикасын жакшыртуу мүмкүнчүлүгү жаралат.