Кыргызстан КМШ өлкөлөрүнүн ичинен макарон продукциясын чыгарууда алдыңкы үчтүккө кирди

Кыргызстан 2025-жылдын январь айынын жыйынтыгы боюнча КМШ өлкөлөрүнүн ичинен макарон продукциясын чыгарууда алдыңкы үчтүккө кирди. Бул тууралуу Суу ресурстары министрлиги билдирет.

• 2025-жылдын январь айында КМШ өлкөлөрүндө жалпы 138 000 тонна макарон өнүмү өндүрүлдү, анын ичинен Кыргызстанда 3 200 тоннага жакыны өндүрүлүп, бул көрсөткүч боюнча өлкө Орусия менен Казакстандан кийинки 3-орунду ээледи 
• 2024-жылдын январь–сентябрь айларынын ичинде Кыргызстандын макарон экспортунун көлөмү 5,8 млн АКШ долларынан ашты, негизги сатып алуучу — Өзбекстан, ал жакка дээрлик 1 200 тонна жөнөтүлүп, экспорт 53%га өстү 
• 2023-жылдын тогуз айында Кыргызстандан жалпы 3 087,4 тонна макарон экспорттолуп, көлөмү 495,7 млн сомду түздү.

Негизги экспорт багыттары:

 • Казакстан – 1 652,7 т (~241,8 млн сом),

 • Россия – 1 328,9 т (~231,9 млн сом),

 • Ошондой эле Беларусияга  жана Арменияга экспортолгон.