АКШнын мамлекеттик карызы 2026-жылы $40,7 триллионго жетиши мүмкүн

АКШ 2026-жылы мамлекеттик карыздын абсолюттук көлөмү боюнча дүйнөдө биринчи орунда калат. Эл аралык валюта фондунун (ЭВФ) болжолуна ылайык, көрсөткүч $40,7 триллионго жетиши мүмкүн.

Бул рейтингде көрсөтүлгөн Кытай, Япония, Улуу Британия жана Франциянын мамлекеттик карыздарынын жалпы көлөмүнөн да көп.

Карыздын көлөмү боюнча экинчи орунда Кытай — $22,3 трлн, үчүнчүдө Япония — $9 трлн турат. Андан кийин Улуу Британия — $4,4 трлн, Франция — $4,3 трлн жана Италия — $3,8 трлн.

Германия менен Индиянын мамлекеттик карызынын көлөмү ар биринде $3,5 трлн, Канаданын — $2,8 трлн, Бразилиянын — $2,5 трлн деп бааланууда.

Бирок мамлекеттик карызды өлкөнүн экономикасынын көлөмүнө салыштырганда абал башкача көрүнөт.

Мамлекеттик карыздын ички дүң өнүмгө (ИДӨ) карата үлүшү боюнча биринчи орунда Япония — 204%. Андан кийинки орундарда Сингапур — 172%, Судан — 169%, Бахрейн — 152%, Италия — 138% жана Грекия — 137% турат.

Сенегалдын мамлекеттик карызы ИДӨнүн 132%ын, Мальдив аралдарында 129%ын түзөт.

АКШ 126% көрсөткүч менен тогузунчу орунда, Украина 123% менен онунчу орунда турат.

Ошентип, акчалай көлөмү боюнча дүйнөдөгү эң ири мамлекеттик карыз АКШда калууда. Бирок өз экономикасынын көлөмүнө салыштырмалуу карыз жүгү бир катар башка өлкөлөрдө жогору.