Жыл башынан бери 17 миң тоннага жакын картошка экспорттолду

Суу ресурстары, айыл чарба жана кайра иштетүүчү өнөр жай министрлигинин курамындагы Өсүмдүктөрдү химиялаштыруу, коргоо жана карантин департаменти 2025-жылдын 1-январынан 23-апрелине чейинки мезгил аралыгында төмөнкү иштерди жүргүздү:

Экспортко багытталган картошкага фитосанитардык сертификаттоо иш-чаралары жүргүзүлдү – жалпы көлөмү 17 017,5 тонна, анын ичинен:

• азык-түлүк картошкасы – 16 894,5 тонна,
• үрөн картошкасы – 123 тонна.

Картошка төмөнкү өлкөлөргө экспорттолду: Россия Федерациясы, Казакстан Республикасы, Өзбекстан Республикасы, Азербайжан, Беларусь Республикасы.

Импорттолгон картошкага карантиндик фитосанитардык көзөмөл жүргүзүлдү – жалпы көлөмү 11 752,8 тонна, анын ичинен:

• азык-түлүк картошкасы – 10 019,7 тонна,
• үрөн картошкасы – 1 733,1 тонна.

Картошка төмөнкү өлкөлөрдөн алынып келинди: Кытай Эл Республикасы, Монголия, Пакистан, Нидерланды, Германия.