Баткен облусунда 13 ири өнөр жай долбоору ишке ашууда

Баткен облусунда 13 ири өнөр жай долбоору ишке ашууда. Бул тууралуу облустун 2025-жылдын 6 ай ичиндеги социалдык-экономикалык өнүгүүсүнүн жыйынтыктарын караган облустук коллегияда айтылды. 

Президенттин Баткен облусундагы ыйгарым укуктуу өкүлү Айбек Шаменовдун жетекчилигинде өткөн коллегияга облус активи катышып, жарым жыл аралыгындагы аткарылган иштер талкууланды.

2025-жылдын январь-июнунда өнөр-жай ишканалары тарабынан 4596,5 млн сомдук продукция өндүрүлүп, физикалык көлөмдүн индекси 126,4% түздү, айыл-чарбасы 8842,3 млн. сомду түзүп, өткөн жылдын ушул мезгилине салыштырганда 100,7 % түздү.