Россия Кыргызстанга түз инвестицияларды 70%дан ашык көбөйттү

2026-жылдын январь–июнь айларында Россиядан Кыргызстанга келген түз чет өлкөлүк инвестициялардын көлөмү 183,3 млн долларды түздү.

Улуттук статистика комитетинин маалыматына ылайык, өткөн жылдын ушул мезгилинде бул көрсөткүч 106,3 млн доллар болгон. Ошентип, инвестициялардын көлөмү болжол менен 72%га өскөн.

Түз чет өлкөлүк инвестициялардын жалпы көлөмүндөгү Россиянын үлүшү 18,9%дан 25,8%га чейин жогорулаган.

Россиядан келген инвестициялар негизинен кайра иштетүү өнөр жайына, пайдалуу кендерди казууга, ошондой эле дүң жана чекене соода тармактарына багытталган.

Жалпысынан КМШ өлкөлөрүнөн келген түз инвестициялардын көлөмү 1,6 эсеге көбөйүп, 185,6 млн доллардан 288,5 млн долларга жеткен.